Pages

Sunday, July 08, 2012

தேசிய திருக்குர்ஆன் மாநாடு,மலேசியா-௧

"ஏற்றமான வாழ்வுக்கு இறைமறை "என்னும் கருப்பொருளை மையமாக கொண்ட  தேசிய அளவிலான திருக்குர்ஆன் மாநாடு முதன் முறையாக முழுவதும் தமிழ் மொழியில்  மலேசிய தீபகற்பத்தில் ஜூலை 7&8 ஆகிய இரண்டு நாட்கள்  இனிதே நடந்து முடிந்தது..!

இந்தியா ,சென்னை,இலங்கை,சிங்கப்பூர் மற்றும் ஆஸ்திரேலியா போன்ற நாடுகளில் இருந்து வந்து இருந்த மார்க்க அறிஞர்களும், இறை அழைப்பளர்களும் மிக அருமையான முறையில் மாநாட்டை வழி நடத்தி சென்றார்கள்..!

கிராத்துக்கு பின் தொடங்கிய மாநாட்டில் மாநாட்டு ஏற்பாட்டாளர் டத்தோஸ்ரீ ஹாஜி முஹம்மது இக்பால் (தலைவர் தேசிய ஒருங்கிணைப்பு குழு )அவர்கள் தம் துவக்க உரையில் நாட்டின் பல இடங்களில் அதிக அளவில் குரான் விளக்க கூட்டங்களும் மார்க்க விளக்க நிகழ்சிகளும் அடிக்கடி நடந்து கொண்டு இருந்தாலும் தேசிய அளவில் அனைத்து மலேசியா வாழ் இந்திய முஸ்லிம்களையும் ஒருங்கிணைத்து தமிழில் நடத்தப்படும் முதல் மாநாடு இது என்பதை மகிழ்ச்சியுடன் தெரிவித்தார் ..!

காலை 9 மணிக்கு ஆரம்பித்த மாநாட்டில் பல்வேறு தலைப்புகளில் மார்க்க அறிஞர்களும் இறைநெறி அழைப்பாளர்களும் மிகச்சிறப்பான முறையிலே சொற்பொழிவு ஆற்றினார்கள்..!

"ஏற்ற மிகு வாழ்வுக்கு இறைமறை , மறைவழியில் நபி வாழ்ந்த வாழ்கை  "என்ற தலைப்பில் சிறப்புரை ஆற்றிய அஷ் ஷேய்க் அகார் முஹம்மது (துணை இயக்குனர் ,நளீமியா பல்கலைக்கழகம் ) அவர்கள் மிகவும் சிறந்த முறையிலே எளிய விளக்கங்களோடு தன உரையை ஆற்றினார்... எவ்வாறு நாம் மீடியாக்களின் தாக்கத்தினாலும் ,நாகரிக மோகத்தினாலும் பணம் பண்ணும ஆசையினாலும்  சிறுகச்சிறுக சத்திய இஸ்லாத்தின் பாதையயை விட்டு விலகிகொண்டு இருக்கிறோம் என்பதை மிக அருமையான முறையில் எடுத்துரைத்தார்...  மீடியாக்கள் பணம் பண்ணுவதை மட்டுமே குறிக்கோளாக கொண்டு பல வித தேவையற்ற நிகழ்ச்சிகளை ஒளிபரப்பி பண்பாட்டு வீழ்சிக்கு காரணம் ஆகின்றது என்று கூறினார்..!

அடுத்து "உம்மத்தன் வசத்தன் (நடு நிலைச்சமுதாயம்)"என்ற தலைப்பில் உரையாற்ற வந்த மௌவ்லவி முஹம்மது நூஹ் மஹ்ளரி (இஸ்லாமிய நிறுவனம் ட்ரஸ்ட்.சென்னை ) நடுநிலைச்சமுதாயம் என்றால் என்ன என்பதை மிக அழகான முறையில் எடுத்து சொன்ன்னர்கள்..
எவ்வாறு நாம் நடுநிலைச்சமுதாயமாக இருப்பதில் இருந்தும் விலகிபோய் கொண்டு இருக்கிறோம் என்றும் ஒரு முஸ்லிம் எப்படி வாழ வேண்டும் என்று இறைவன் விதித்த கட்டளைகளை மறந்து முஸ்லிமாக பிறந்ததால்.. நாங்கள் மட்டுமே சுவனம் செல்வோம் என்ற குருட்டு நம்பிக்கையில் ஏராளமான முஸ்லிம்கள் இருப்பதைப்பற்றி அவர் பேசுகையில் முஸ்லிமாக பிறந்ததால் மட்டும் ஒருவன் சொர்கத்துக்கு செல்லும் தகுதியை அடைந்து விட முடியாது என்றும் எப்பொழுது ஒருவன் தன் வாழ்கையில் இஸ்லாத்தை முறையாக அல்லாஹ்வும் அவன் தூதரும் சொன்னபடியே கடைப்பிடிகிறானோ அப்பொழுதுதான் அவன் சுவர்க்கம் செல்லும் பாதையை அடைய முடியும் என்பதை வலியுறுத்திக்கூறினார்..!

தொடர்ந்து "பறிபோகும் அக்கீதா பலவீனமாகும் ஈமான் "என்ற தலைப்பில் பேராசிரியர் முஹம்மது  கான் பாகவி அவர்களும் அவர்களை தொடர்ந்து பிறப்பால் இந்துவாக இருந்தாலும் இஸ்லாத்தின்பால் ஈர்க்கப்பட்டு இஸ்லாத்தை தன் வாழ்க்கை நெறியாக ஏற்றுக்கொண்ட ஹாஜி அப்துல் லத்தீப் அப்துல்லாஹ் அவர்களும்.. இறுதியாக உஸ்தாத் ஜமால் அப்துல் ஹமீது அவர்களும் உரையாற்றினார்கள்.

பேராசிரியர் முஹம்மது  பாகவி அவர்கள்
 (மொழி பெயர்ப்பு குழு தலைவர் ,ரஹ்மத் அறக்கட்டளை,சென்னை )
பேசுகையில் இந்த காலகட்டத்தில் ஈமான் பறிபோக மிக முக்கியமான காரணியாக ஊடகங்கள் திகழ்வதாக மிகவும் வருத்தத்துடன் பேசினார்..
சினிமா சீரியல்களில் காட்டப்படும் ஆண் பெண் நட்புகள், குடும்ப வன்முறைகள், முறைதவறிய உறவுகள் எப்படி சிறுக சிறுக நம் மனதில் பதிய வைக்கபடுகின்றன என்பது பற்றியும், இதன் தாக்கத்தால் அந்நிய ஆண் பெண் கலந்து நட்புறவு கொண்டாடுவது தவறில்லை என்ற எண்ணம நமக்குள் விதைக்கப்படுவதையும் அதால் ஏற்படும் தீமைகள் பற்றியும் விளக்கினார்..! சென்னையில் தன் சக தோழர்களாலேயே மானபங்கம் செய்யப்பட்ட பெண்ணை உதாரணமாக கூறினார்..! என்னதான் ஆணும பெண்ணும் தங்கள் நட்பு புனிதமானது என்று சாதித்தாலும் அங்கே கண்டிப்பாக தவறு நடக்க சாத்தியங்கள் அதிகம் என்பதை நாம் மறக்க கூடாது என்றார்..! சினிமா மோகத்தில் காதல் என்பது தெய்வீகம் என்று சினிமா ஏற்படுத்திய மாயையில் சிக்கி தன்னை இழந்து சீரழியும் பெண்களின் நிலை பற்றியும்.. இந்த காதலும் ஈமானை வலுவிழக்க செய்யும் ஒரு காரணி என்று கூறி அரங்கை  ஹாஜி அப்துல் லதீப் அப்துல்லாஹ் (தலைவர்,அல்ஹிதாயாஹ், மலேசியா ) அவர்களிடம் ஒப்படைத்தார்... அவர்களுக்கு உடல் நலக்குறைவினால் அதிகம் பேச முடியவில்லை என்றாலும் அவர்கள் சொன்ன மிக முக்கியமான கருத்து என்னவெனில்.. இஸ்லாத்தை புதிதாக ஏற்பவர்களுக்கு போதிய வழிகாட்டுதல் இல்லை என்பதுதான்.. மேலும் ஒரு சில இஸ்லாமியர்களே எவ்வாறு மாற்று மதத்தவர்கள் இஸ்லாத்தை தவறாக புரிந்து கொண்டு இஸ்லாத்தை விட்டு விலகி போக காரணம் ஆகின்றனர் என்பது பற்றியும் , அக்கீதா பறிபோக சில இஸ்லாத்தில் இல்லாத வழிகேடுகளை பின்பற்றுவதுவும் முக்கிய காரணங்கள் என்பதை அவர் தனது தரப்பு பேசி விட்டு விடை பெற்றார்...

தொடர்ந்து பேசிய உஸ்தாத் ஜமால் அப்துல் ஹமீது (தலைவர்,மின்நூடகம் -தமிழ்ப்பிரிவு ஜாக்கிம் ) அவர்கள் கலை கலாச்சாரம் என்ற பெயரில் ஊடகங்களில் நடக்கும் சீரழிவுகள் பற்றி மிகவும் வருத்தத்துடன் பதிவு செய்தார்கள்..
கலை என்பது ஒரு மனிதனை பண்படுத்துவதாக இருக்க வேண்டும்.. ஆனால் இன்றைய காலகட்டத்தில் கலை என்ற பெயரில் நடக்கும் கூத்துகளை நம் வீட்டுக்குள் அனுமதிப்பதே நம் அக்கீதா பறிபோக மிக முக்கியமான காரணம் என்றார் அவர்..! மேலும் சமூக ஊடகங்களின் மூலம் ஏற்படும் தீங்குகள் பற்றியும் அவர் பேசினார்..! தன் வீட்டினர் நாடகம் பார்க்க விடாததால் தற்கொலை செய்து கொண்ட பெண்ணை பற்றி அவர் பேசுகையில் நாடகத்துக்காக உயிரை மாய்த்துக்கொள்ளும் அளவிற்கு அந்த பெண்ணின் ஈமான் பலவீனப்பட்டு போய்  இருக்க இந்த ஊடகம்தானே முக்கிய காரணம் எனும் கருத்தை ஆணித்தரமாக முன்வைத்தார்..!

அடுத்ததாக "திருக்குர் ஆனில் மகளிர் உரிமைகள் "
திருக்குர் ஆன் வருகைக்கு முன்னும் பின்னும் என்ற தலைப்பில் டாக்டர் சுமையா தாவூத் (முதல்வர் தாசீம் பீவி மகளிர் கல்லூரி ,கீழக்கரை ,தமிழ்நாடு )
அவர்கள் உரையாற்றினார்கள்... இஸ்லாம் நமக்களித்துள்ள உரிமைகளை ஆண்களிடம் அடகு வைத்து நம் பெண்கள் இன்னும் தங்களை தாழ்த்தி கொண்டு இருப்பதாகவும்.. இஸ்லாம் நம் பெண்களுக்கு திருமணத்தில் அனுமதி கேட்பதில் இருந்து , திருமண ரத்தில் அளித்து இருக்கும் உரிமை,சொத்துரிமை,கல்வி உரிமை,வணக்க வழிபாடுகளில் உரிமை, என்று ஒரு சில விஷயங்கள் தவிர ஆண்களுக்கு நிகரான உரிமை வழங்கப்பட்டுள்ள பெண்கள் இது குறித்த அறியாமையில் இருக்கின்றனர் என்றும் நம் ஆண்களும் அதை தவறாக பயன்படுத்தி பெண்களை அடக்கி வைத்து உள்ளனர் என்றும்  அவர் வருத்தத்துடன் கூறினார்..! முதலில் நம் பெண்கள் மார்க்கம் அவர்களுக்கு அளித்துள்ள உரிமைகள் குறித்து தெரிந்து கொள்ள வேண்டும் என்றும் ஆண்கள் பெண்களின் உரிமைகளை தர மறுக்க கூடாது
என்பதையும்  வலியுறுத்திச் சென்றார்..!

அவரை தொடர்ந்து "முஸ்லிம் சமூக அமைப்பில் பெண்கள் பங்கு "என்ற தலைப்பில் டாக்டர் மரீனா தாஹா ரிபாய் (எழுத்தாளர் ,அழைப்பாளர்,இலங்கை ) அவர்கள் பேசினார்கள்...! மிகவும் நேர்த்தியாக அழகிய முறையிலே அவர் பேசிய பேச்சு அரங்கில் இருந்த பெண்களை மெய்மறக்கச் செய்து கட்டிப்போட்டது ..!பேசி முடிக்கும் முன்பே பெண்கள் பலர் அவருக்கு அபிமானியாகி போனார்கள் என்றால் மிகை இல்லை.. நான் உட்பட...!! மாஷா அல்லாஹ் என்ன ஒரு தெளிவான சொற்பொழிவு..!
இவ்வளவுக்கும் கையில் ஒரு சிறு குறிப்பு தாள் கூட இல்லாமல் அவர் தங்கு தடை இன்றி பேசியதில் இருந்தே இஸ்லாத்தின் மீதான அவரின் ஈடுபாடும் இலங்கையில் இருபது வருடங்களுக்கு முன்பே பெண்களுக்கான தாவா அமைப்பை தொடங்கிய அவரின் உழைப்பும் புரிந்தது...! டாக்டர் மரினா அவர்கள் பேசுகையில் பெண்களின் உரிமைகள் பறிக்கப்பட ஆண்களே காரணம் என்ற டாக்டர் சுமையா தாவூத்தின் கருத்துகளில் இருந்து முற்றிலும் முரண்படுவதாக கூறினார்.... அவர் கூறிய காரணங்கள் என்ன என்பதை அடுத்த பதிவில் தொடர்கிறேன் இன்ஷா அல்லாஹ்..!

டிஸ்கி1 : இரண்டு நாட்கள் நடந்த மாநாட்டை ஒரே பதிவில் கொணடு வருவது சாத்தியம் இல்லை என்பதால் இந்த பதிவை இத்துடன் நிறைவு செய்கிறேன்..! இறை நாடினால்.. இதன் தொடர்ச்சியை விரைவில் வெளியிடுகிறேன்..!

டிஸ்கி 2 : என் வாழ்க்கையில் மறக்க முடியாத இரண்டு நாட்களாக இந்த மாநாடு அமைந்து இருந்தது..!! ஒவ்வொரு நொடியும் பொக்கிஷமாக போற்றப்பட வேண்டிய நொடிகள்...! இந்த மாநாட்டில் நான் கலந்து கொள்ள வாய்ப்பை ஏற்படுத்தி தந்த இறைவனுக்கே எல்லாப்புகழும்..!!

அஸ்ஸலாமு அலைக்கும் வரஹ்மத்துல்லாஹி வபரக்காதுஹு..!

மாநாட்டு நிகழ்வில் எடுக்கப்பட்ட புகைப்படங்களை காண >>> இங்கே <<

7 comments:

  1. பதிவு பிடிச்சிருந்தா பாராட்டுங்க...!! இல்லன்னா திட்டுங்க..!! ஒன்னும் சொல்லாம மட்டும் போயிராதிங்க.... :)//////////////////////////////////நீங்க கோயம்புத்தூரா குசும்பு ஒவர இருக்கு

    ReplyDelete
  2. அஸ்ஸலாமு அலைக்கும் வரஹ்..

    ம்ம்ம்ம்ம்ம்ம்ம்ம்ம் பெருமூச்சு தான் விட முடியுது .... ஏக்கத்தை உன் பதிவால் போக்கிட்ட... தேங்க்ஸ் சர்மி...

    நேரில் பார்த்தது போன்ற உணர்வு ஏற்படுத்தியது உன் பதிவு

    வாழ்த்துகள்

    ReplyDelete
  3. வ அலைக்கும் சலாம் வரஹ்..

    நம் ஈமானை இன்னும் பலமாக பலப்படுத்த கிடைத்த ஒரு அருமையான வாய்ப்பு..அதை மிக சரியான விதத்தில் பயன் படுத்தி கொண்டதில் மிக சந்தோசம் ஷர்மி..

    உங்களுக்கு அந்த வாய்ப்பை ஏற்படுத்திய அல்லாஹ்வுக்கே எல்லா புகழும்..:-))

    ReplyDelete
  4. maasha allaah!

    thodaravum!

    sako.....

    ReplyDelete
  5. சலாம் சர்மிளா,

    மாஷா அல்லாஹ்... மாநாடு பார்த்த பீலிங் தருது உங்கள் கட்டுரை...
    இந்த மாநாடு வெற்றி என்பதற்கு உங்கள் பதிவே சாட்சி... எவ்வளவு நுணுக்கமாக கவனித்து இருக்கிறீர்கள்... இந்த வாய்ப்பை உங்களுக்கு வழங்கிய இறைவனுக்கே புகழ் அனைத்தும்.

    ReplyDelete
  6. இது போன்ற மாநாடுகளால் என்ன பயன் என்று நான் சில வேளைகளில் யோசித்தது உண்டு... பட் நமக்கு நல்லா தெரிஞ்சவங்ககிட்ட இவ்வளவு மாற்றங்களை ஒரு மாநாடு ஏற்படுத்துமானால், நல்ல விஷயமாகத் தான் படுகிறது.... இன்ஷா அல்லாஹ்..இது போன்ற மாநாடுகள் தொடர்ந்து நடைபெற இறைவனை பிராத்திப்போம்...

    ReplyDelete
  7. மாநாட்டில் அஷ் ஷேய்க் அகார் முஹம்மது (துணை இயக்குனர் ,நளீமியா பல்கலைக்கழகம்) அவர்கள் ஆற்றிய உரை
    http://www.sheikhagar.org/articles/alquran/310-etramiku-iraimarai?utm_source=feedburner&utm_medium=email&utm_campaign=Feed%3A+sheikhagar+%28Sheikhagar.org+-+Recent+Posts%29

    ReplyDelete

பதிவு பிடிச்சிருந்தா பாராட்டுங்க...!! இல்லன்னா திட்டுங்க..!! ஒன்னும் சொல்லாம மட்டும் போயிராதிங்க.... :)